O CORAZÓN DE XUPITER
Ledicia Costas
Non foi doado para Isla mudar de cidade e empezar de cero nun novo instituto. Devecía por dar un paseo polo espazo, avistando planetas a través do telescopio, mergullada no ventre do universo. Casiopea, o nome da tartaruga máxica de Momo, era o nick que empregaba nos foros sobre astronomía nos que participaba adoito. Alí coñeceu a Xúpiter, alguén que semellaba saber moito de estrelas. As longas conversas até ben entrada a madrugada prenderan unha luz, entre os dous existía unha maxia que traspasaba as fronteiras do ciberespazo. Isla sentiu a necesidade de sabelo todo sobre Xúpiter: onde vivía, a que instituto ía, o seu nome real… Quedaron para se coñecer nunha noite de San Xoán de cacharelas e mar embravecido. Foi entón, despois de despedirse da súa amiga Mar, cando Isla se precipitou na escuridade. A súa vida estaba a piques de cambiar para sempre.

Ledicia Costas: Nacín en Vigo alá polo 1979, cando o verán estaba a piques de morrer. Neta dun inventor e filla de dous creadores de soños, escribo desde que teño memoria. Debutei na colección Fóra de Xogo coa novela Unha estrela no vento (Xerais 1999), obra escrita en plena adolescencia. O corazón de Xúpiter (Xerais 2012) é a miña segunda novela.Síntome poeta con alma de equilibrista, porque recito nos lugares máis propicios á caída: no autobús, no supermercado, nos bares, en tendas de conxelados… E debe ser por iso que formo parte do colectivo Poetas da Hostia. A día de hoxe formo parte da directiva de Gálix (Asociación Galega do Libro Infantil e Xuvenil), son avogada a tempo parcial e poeta a tempo completo. E nas horas libres escribo novela, que é a miña verdadeira paixón.

Comentarios

Lara García ha dicho que…
Encantoume este libro principalmente porque é moi realista, e sei de xente que se identificaría bastante con el.
Tamén me gustou moito polo final, xa que é diferente da maioría, e ainda que me gustaría que finalizase doutra forma, non me defraudou.
Guady ;) ha dicho que…
Yo todavía quiero ver las estrellas :)
Unknown ha dicho que…
Emily encontre un libro ke esta muy guaii para leer nosotrs se llama juventud de extasis
Isa ha dicho que…
Lo que más destaca este libro es el final y lo real que es, puesto que en la actualidad es uno de los mayores problemas sobre todo, en los jóvenes.
Ana Rosa ha dicho que…
A mi este libro me gusto mucho